العدد 2906
الأربعاء 28 سبتمبر 2016
banner
عبدالناصر... آخر ظهور 28 سبتمبر 1970 حافظ عبدالغفار
حافظ عبدالغفار
الأربعاء 28 سبتمبر 2016

تصادف اليوم “الذكرى السادسة والأربعون على رحيل الزعيم جمال عبدالناصر”، والوطن العربي من بعده يعيش أوضاعاً صعبة، وتزامناً مع هذه الذكرى الأليمة، تم التواصل الحصري والوجداني مع الزعيم الخالد:
آخر ظهور: 28 سبتمبر 1970، إعادة إرسال للزعامة: Failed، إعادة تشغيل للروح: Failed، نص المحادثة: الحوار التالي..
سلام يا ريس.. أهلاً أخي العربي.. إزاي حال الوطن الأكبر؟ الحال مش بتسر يا ريس! ما تفهّمني جرى أيه؟! مش عاوز أنكد عليك يا ريس وأنت اللي نكبتك هموم العرب.. خليك مرتاح.
يعني لا قدر الله، حصل استهداف لبلد عربي؟!  من بعد فتن (ربيعهم العربي)، أغلب الدول العربية في حالة حرب.
ما كويس كده، كل الدول العربية بتحارب العدو الواحد!  لا يا زعيم، العرب من بعدك بيحاربو بعض، العراقي يقتل عراقي، والسوري ينحر سوري، والليبي يصرع ليبي.
و(الجامعة العربية) و(القمة العربية)؟! ما فيش لاءات؟ صاروا ذكريات... وبدل اللاءات بقى فيه آهات!... وخيراتكم وثرواتكم؟ منهوبة ومسروقة!
استنى عندك.. انت بتقرأ سيناريو غربي؟ أو بتهزر؟!... أنا بحكي لك عللي بيحصل يا زعيم.. إحنا من بعدك مستهدفين!... طب فين (وحدة الصف العربي) و(رأب الصدع)؟ فين (هيئة التصنيع الحربي) و(جبهة الصمود والتصدي)؟ مجرد ماضي تليد..
يعني انتو دلوقت مستعمرين؟ وما بتعملوش أي حاجة؟! ما بتقاتلوش؟... هم عمالين يرسموا شرق أوسط جديد، واحنا عمالين نتفرج! والسلاح العربي خلص في (الحروب العربية – العربية)!
هي الأمة العربية دي خلاص، ما بتخلفش ليكم قائد أو زعيم؟ خلّفت نعم.. خلّفت لنا الهموم والأحزان. حتفضلوا إخواني العرب على الحال دي كتير؟ مش حتتقدموا؟... العرب من بعدك بيتقدموا.. تقدمهم بس في السن! يااااه.. وجعتم قلبي حتى وأنا في قبري.. على كلٍ.. ربنا على الظالم.. حأضطر أقفل.. عاوز أرتاح!
ألووو... ما تسيبناش يا بوخالد.. إحنا لسه عالخط.. حنفضل عالخط.

صحيفة البلاد

2024 © جميع الحقوق محفوظة, صحيفة البلاد الإلكترونية .