+A
A-

فيديو "البلاد": يا كبر حزنك يا وطن

 

 

بنشدك يا حزنٍ تمكّن في الاوتار

وش فيها نبرة صوتي صارت ضعيفه؟ 

 

وش فيه طير الحزْن جاثم على الدار 

وش فيها (هالعشرين) عامٍ كليفه؟ 

 

يادار ردّي الصوت يا دار وش صار؟ 

يا جيرة الله من  علومٍ  محيفه  

 

يا دارنا تكفين،  عن شين الاخبار 

ما اثقل حروفٍ جات تنعى خليفة! 

 

يا ناعيٍ سيد الدار ووافين الأشبار اذهلتني، وارداني نعيك بسيفه

 

من صدمتك كنّي جبل طود وانهار

 كلّي فريسة للهجوس المخيفه 

 

شاقول لابيات القصايد والاشعار؟ عن سِيدها وعن مفرداته اللطيفه 

 

عن صانع الأمجاد من عزم واصرار  

عن من بنى البحرين،  دارٍ منيفه 

 

يرجف حزن قلبي لفقده ويحتار والنبض يصرخ وا خليفه ،، خليفه 

 

يا كبر حزنك يا وطن في  الغلا البارّ 

مكبر فقيدة ذخر جاره وحليفه  

 

 طال اليتم بعدك  يبه كبار وصغار 

يا مِلْفي المحتاج و مِكْرم مضيفه

 

غصّة وداعك تخنق انفاس الافكار وصفعة يد الفرقا يا سيدي عنيفه 

 

حزنٍ على فرقاك  عاتبت الاقدار

ليت  المنايا للبن آدم سعيفه  

 

تدعي لك الديرة سما وأرض واخيار

 يا جعلها الفردوس ،  روحٍ. رهيفه

 

وادعتك الرحمن يا شمعة الدار 

وادعتك اللي رحمته بك مريفه  

 

هنادي الجودر